Lukas, Yahya deng Yohanes pesta Miras ‘Topi Miring‘ di Lukas pu tempat kos. Karena su terlalu banyak minum, dorang tiga su mabuk berat sampe su tra tau kalo matahari sudah tinggi persis diubun-ubun kapala alias su siang..
Dorang tiga trus keluar rumah dan jatuh terkapar di jalan...
Lukas : "Yahya, ini su siang kah ?"
Yahya : "Trada, ini masih malam."
Lukas : "Ko salah, ini su rasa panas berarti su siang."
Yahya : "Ko yang salah, bagaimana tra panas, ko tidur pas dibawah lampu sorot."
Karena penasaran Lukas pigi ke Yohanes yang masih tidur di jalan deng muka ta tutup jaket.
Lukas : "Nes, ini masih malam kah ?"
Yohanes : "Iyo, ini malam. Ini saya liat masih gelap..."
Karena masih penasaran juga, Lukas trus jalan dan ketemu Jae pelarian dari RS. Jiwa Grogol yang melarikan diri ke Jayapura...
Lukas : "Kulo nuwun (permisi) Mas ! Ini masih malam kah ato su siang ??"
Jae : "Aduh kaka, saya juga tra tau karena saya orang baru di Jayapura...!!"